TUT.BY paprasiŭ raskazać pra hetyja i inšyja asablivaści dakumienta Apieratyŭna-analityčny centr (AAC) pry prezidencie.
— Ja aktyŭny karystalnik miesiendžaraŭ, u tym liku Skype i Viber. Što źmienicca dla mianie z 18 vieraśnia?
Pry adpraŭcy paviedamleńniaŭ i zvankoŭ unutry miesiendžara (naprykład, z Viber na Viber, sa Skype na Skype) ničoha nie źmienicca. Vyklučeńnie — zvanki ź miesiendžaraŭ na haradskija/mabilnyja telefony (pasłuhi typu Viber Out) abo pryjom zvankoŭ sa zvyčajnych telefonaŭ u miesiendžar pry ŭmovie, što Viber i inšyja miesiendžary nie zaklučać aficyjnyja damovy ź biełaruskimi apieratarami elektrasuviazi na terminacyju svajho trafiku.
Skype ŭžo zaklučyŭ damovu z apieratarami, tamu paśla 18 vieraśnia pasłuha Skype Out budzie dziejničać bieśpierabojna.
U šerahu inšych miesiendžaraŭ, u tym liku Viber, takich damovaŭ pakul niama. Tamu paśla ŭstupleńnia ŭ siłu pastanovy sa zvankami na haradskija/mabilnyja telefony ŭ karystalnikaŭ hetych miesiendžaraŭ mohuć być prablemy. Ale heta nie aznačaje, što pasłuha Viber Out adnamamientna pierastanie pracavać.
— Ci zmahu ja patelefanavać siabram u Amieryku na mabilnyja telefony sa Skype i Viber (pasłuhi Out) paśla 18 vieraśnia? I naadvarot: ci zmohuć maje siabry z Amieryki patelefanavać mnie sa zvyčajnaha telefona ŭ Skype i Viber?
— Ja vykarystoŭvaju IP-telefaniju pa pracy (Skype for Business, były Microsoft Lync) dla zvankoŭ kaleham za miažu. Ci źmienicca što-niebudź dla mianie z 18 vieraśnia?
Ukaz № 98 i zaćvierdžanaje pałažeńnie rehłamientujuć dziejnaść pa propusku trafiku na terytoryi Biełarusi. U vypadku, kali nie parušany paradak propusku na sietkach elektrasuviazi Biełarusi, vy zmožacie ažyćciavić (pryniać) zvanok.
H. zn. u vypadku sa Skype, jaki zaklučyŭ damovu, ničoha nie źmienicca. U vypadku z astatnimi miesiendžarami mohuć być prablemy, kali jany ŭ termin nie damoviacca z apieratarami elektrasuviazi.
— Ci zmahu ja karystacca anłajn-servisami IP-telefanii nakštałt zadarma.com abo sipnet.ru paśla 18 vieraśnia?
Takaja mahčymaść budzie zabłakavanaja paśla realizacyi apieratarami elektrasuviazi patrabavańniaŭ ukaza № 98 i zaćvierdžanaha pałažeńnia.
Razam z tym nazvanyja ŭładalniki anłajn-servisaŭ dla akazańnia svaich pasłuh mohuć arhanizavać uzajemadziejańnie ź biełaruskimi apieratarami elektrasuviazi, jakija majuć nieabchodnyja licenzii, i ŭ budučyni praciahnuć pracu ź biełaruskimi abanientami.
— Kali ja budu telefanavać ź jakoha-niebudź miesiendžara na zvyčajnyja telefony ci skarystajusia jakim-niebudź anłajn-servisam dla hetych ža metaŭ, moj numar zabłakujuć?
— Nie, nie zabłakujuć. Błakavacca buduć abanienckija numary, jakija ŭdzielničajuć u terminacyi mižnarodnaha trafiku z dapamohaj GSM-šluzaŭ, h.zn. numary złamyśnikaŭ, jakija pieravodziać vaš IP-trafik u «zvyčajny».
— Što mnie pahražaje (akramia błakiroŭki numaru) za parušeńnie patrabavańniaŭ ukaza № 98?
Apieratary elektrasuviazi praz sud majuć prava zapatrabavać ad vas pakryćcio svaich strat (naniesienaj škody).
Baraćba z «šerym trafikam»
U AAC raspaviali, što na terytoryi Biełarusi atrymała šyroki raspaŭsiud praktyka pieradačy hałasavych paviedamleńniaŭ elektrasuviazi z parušeńniem vyznačanych patrabavańniaŭ (tak zvany šery trafik).
Novaja sistema nakiravana na baraćbu sa złamyśnikami pry dapamozie błakavańnia SIM-kart i internet-złučeńniaŭ GSM-šluzaŭ (pryład, jakija dazvalajuć złučać pamiž saboj IP- i GSM-sietki), inšych pryład i internet-servisaŭ (takich jak, naprykład, prajekt Zadarma), jakija vykarystoŭvajucca ŭ machlarskich schiemach.
