 |
«Parušyć salidarnaść» krain Eŭraźviazu ŭ pytańni pačatku pieramoŭ ab źnižeńni koštu šenhienskich viz pakul nie ŭdajecca. Pra heta zajaviŭ namieśnik ministra zamiežnych spraŭ Biełarusi Viktar Hajsionak, adkazvajučy 28 traŭnia ŭ parlamencie na pytańni deputataŭ.
Pavodle jaho słoŭ, «pytańnie koštu viz tyčycca nia tolki dvuchbakovych adnosinaŭ, ale i adnosinaŭ z EZ u cełym».
«Eŭraźviaz źviazvaje pačatak pieramoŭ z realizacyjaj palityki dobrasusiedztva. Pry hetym vystaŭlajucca i palityčnyja patrabavańni, u pryvatnaści vykanańnie «12 patrabavańniaŭ» da Biełarusi. Tamu pracu ŭ hetym kirunku pravodzić ciažka», — zaznačyŭ jon.
Spadar Hajsionak paviedamiŭ, što Biełaruś sprabuje vieści pieramovy ab źnižeńni koštu viz na dvuchbakovaj asnovie.
«Ale ŭ krain EZ jość salidarnaść pa hetym pytańni. Parušyć hetu salidarnaść nam pakul nie ŭdajecca», — zaznačyŭ jon.
