Videazapis vybuchu, jaki zabiŭ Paŭła Šaramieta kamientuje Andžej Mroček, były kiraŭnik apieratyŭnaj siekcyi pa spravach teraktaŭ Adździełu pa baraćbie z Kryminalnym teroram i zabojstvami varšaŭskaj palicyi.
Ciapier – ekśpiert Centru daśledvańniaŭ teraryzmu Collegium Civitas i ekśpiert City Security. Z ekśpiertam razmaŭlaŭ Siarhiej Pielasa.
«Biełsat»: «Što Vam kinułasia ŭ vočy na hetym videazapisie?»
Andžej Mroček: «Mužčyna ŭ šapcy z kijkom pavodzić siabie nienaturalna. Źviarnicie ŭvahu na pačatku videa hety mužčyna idzie z kirunku ź jakoha jedzie mašyna Šaramieta. Dachodzić da skryžavańnia i zatrymlivajecca. Mašyna jašče nie dajechała a jon užo zatrymaŭsia. Staić śpinaj da vulicy. U momant vybuchu jon nadalej staić zadam i navat nie zvarušyŭsia ad vybuchu. Paśla vybuchu źviarnicie ŭvahu na levuju ruku. Jak by jon niešta papraŭlaŭ joj kab nie vypała z kišeni.
«Biełsat»: «Jon vyciahvaje ruku ź levaj kišeni i pierakładaje kijok z pravaj ruki pad levuju pachu i pačynaje biehčy».
Andžej Mroček: «Tolki praz momant jon pavaročvajecca i kali bačyć, što da mašyny biahuć ludzi to jon taksama pačynaje biehčy. I ŭžo jamu kijok niepatrebny. Spačatku ja dumaŭ što jon hłuchi. Ale padajecca što heta asoba pryzvyčajenaja da vybuchaŭ.
Były varšaŭski antyteraryst dadaje: «Jon biažyć jak małady chłopiec a nie jak asoba, jakaja vykarystoŭaje kijok. Dziŭnyja pavodziny. Šapka, kijok, biehaje jak małady. Uźnikaje pytańnie: ci hety mužčyna pačakaŭ na palicyju i skłaŭ śviedčańni? Bo kali addaliŭsia ad mašyny, to jość vierahodnaść, što jon padbieh da mašyny tolki kab spraŭdzić ci zabojstva ŭdałosia i ci Šaramiet zahinuŭ. Nie vyklučana, što mienavita jon moh detanavać vybuchovuju pryładu na adlehłaści».
«Biełsat»: «Na dvary leta. Amal nikoha niama ŭ šapkach a tym bolš u čornych kurtkach. Heta bačna na videa apublikavanym telekanałam 17».
Andžej Mroček: «Kijok, šapka heta kamuflaž».
«Biełsat»: «Vy ŭ lichija 90-yja hady pracavali ŭ varšaŭskaj palicyi i zmahalisia z zarhanizavanaj złačynnaściu. Ci Vy sustrakali padobnyja zabojstvy ŭ svajoj karjery. Što charakternaha Vy zaŭvažyli?»
Andžej Mroček: «Tak. U takoha typu zamachach vykanaŭca znachodzicca blizka i naziraje. Choča paćvierdzić što achviara miortvaja. Moj dośvied padkazvaje što heta taki vypadak».