Ministr abarony Bałharyi Mikałaj Nienčaŭ zajaviŭ u niadzielu, 24 lipienia, što ŭ apošnija miesiacy vyrasła kolkaść parušeńniaŭ pavietranaj prastory krainy rasijskimi vajennymi i kamiercyjnymi samalotami. Jon rascaniŭ heta jak «pravakacyi» u dačynieńni da Bałharyi i jaje vajenna-pavietranych sił, pieradaje ahienctva Reuters.
Ministr abarony Bałharyi Mikałaj Nienčaŭ
Kiraŭnik vajennaha viedamstva ŭ efiry telekanała Nova TV zajaviŭ, što tolki za červień było zafiksavana 10 takich incydentaŭ: čatyry vypadki pralota rasijskich vajskovych samalotaŭ praz bałharskuju zonu adkaznaści ŭ ramkach abaviazacielstvaŭ pa členstvu ŭ NATA i šeść anałahičnych vypadkaŭ z pasažyrskimi łajnierami.
Pavodle ministra, rasijskija samaloty pry ŭvachodzie ŭ pavietranuju prastoru Bałharyi, jak praviła, vyklučajuć transpondary — pryłady, jakija spraščajuć vyznačeńnie miescaznachodžańnia samalota. Jon paviedamiŭ, što Bałharyja ŭžo zapatrabavała ad RF tłumačeńniaŭ z hetaj nahody.
Ministerstva abarony Rasii pakul nie prakamientavała hetuju zajavu, adznačaje RIA «Novosti».
Raniej u NATO zajaŭlali pra aktyŭnaść rasijskich VKS ŭ jeŭrapiejskaj pavietranaj prastory, u pryvatnaści, nad Bałtyjskim moram.
