Pra heta paviedamlaje pres-słužba Respublikanskaha centra hihijeny, epidemijałohii i hramadskaha zdaroŭja.
Śpiecyjalisty sanitarna-epidemijałahičnaj słužby za minuły tydzień praviali abśledavańnia 1099 zon rekreacyi, na 223 (20,3%) ź ich vyjaŭleny parušeńni sanitarnych norm, praviłaŭ i hihijeničnych narmatyvaŭ.
Kupańnie dziaciej i darosłych abmiežavana ŭ 26 zonach adpačynku. U Bresckaj vobłaści havorka idzie pra sažału Bochanava ŭ Łunincy, plažy «Centralny» (levy bierah) i «Uschod» raki Muchaviec u Breście, plažy pa vulicy Kastryčnickaj revalucyi (Viaślarny kanał) u Breście, voziery Motalskaje ŭ Ivanaŭskim rajonie.
U Homielskaj vobłaści heta plaž na Dniapry ŭ Rahačovie, levabiarežža Prypiaci ad aŭtamabilnaha mosta da rečyšča Mierlavicy ŭ Mazyry, u Hrodzienskaj vobłaści — sažałki kala vioski Suchaŭlany Hrodzienskaha rajona i pa praśpiekcie Niezaležnaści ŭ Słonimie, plažy «Centralny» i ŭ lesaparkavaj zonie ŭročyšča «Łasosna» Niomana ŭ Hrodnie.
U Mahiloŭskaj vobłaści kupańnie abmiežavana na Hrabianioŭskim voziery, haradskim plažy na Dniapry ŭ Mahilovie, plažach na Dniapry kala vioski Pałykavičy i na Vilčyckim vadaschoviščy Mahiloŭskaha rajona, plažy sanatoryja «Šyńnik» AAT «Biełšyna» ŭ Babrujsku.
U Minskaj vobłaści ŭ śpis trapili plaž na race Słuč Słuckaha rajona, plaž na vadaschoviščy Salihorskaje ŭ Salihorsku, vadaschoviščy Rudnianski ŭ vioscy Rudnia Słuckaha rajona, plaž u Lubani, miescy kupańnia ŭ ahraharadku Łań, vioscy Saska Lipka, vioscy Narucevičy Niaśvižskaha rajona.
U Minsku niebiaśpiečny plaž №2 Cnianskaha vadaschovišča, plaž №2 vadaschovišča «Drazdy» (u miežach horada, rajon «Minsk-Areny»), plažy №2, 3, 4, 8, 9 Zasłaŭskaha vadaschovišča.
Taksama abmiežavana kupańnie dziaciej u 7 zonach adpačynku. U Bresckaj vobłaści — voziera Miadnianskaje ŭ Bresckim rajonie, u Homielskaj vobłaści — plažy «Kaskad-1» i «Kaskad-2» u Homieli, plažy na Prypiaci ŭ Naroŭli, plaž na voziery Śviatoje ŭ Rahačovie, haradski plaž (zaliŭ) na Dniapry ŭ Rečycy. U Mahiloŭskaj vobłaści — plaž na race Žaduńka ŭ haradskim pasiołku Chocimsk.
