haberturk.com
Čakałasia, što Erdahan naviedaje Biełaruś u kancy hetaha tydnia. U pryvatnaści, płanavaŭsia jaho ŭdzieł u cyrymonii adkryćcia ŭ Minsku Sabornaj miačeci 29 lipienia.
«Vizit rychtavaŭsia i rychtujecca. Mahu skazać ciapier sapraŭdy tolki toje, što ŭ daty, jakija šyroka rastyražavali ŭ internecie na minułym tydni, jon nie adbudziecca. Heta dakładna, na hetym tydni jaho nie budzie», — padkreśliła Ejsmant.
Pa słovach pres-sakratara prezidenta, kazać pra kankretnyja terminy vizitu pakul rana. «My možam kazać pra niejkuju najbližejšuju ahladnuju budučyniu, ja dumaju, dakładna», - dadała jana.
U svaju čarhu kiraŭnik musulmanskaj abščyny imam Zaryf Zułudzi paviedamiŭ, što cyrymonija adkryćcia Sabornaj miačeci pieraniesiena na vierasień, ale dakładnuju datu nie nazvaŭ.
Aficyjna vizit Erdahana nie anansavaŭsia, adnak sajt Biełaruskaj handlova-pramysłovaj pałaty paviedamlaŭ ab praviadzieńni 29 lipienia ŭ Minsku biełaruska-tureckaha biźnies-forumu «u ramkach vizitu ŭ Respubliku Biełaruś prezidenta Tureckaj Respubliki R.T.Erdahana». Paśla frazu pra vizit Erdahana z sajta BiełHPP prybrali.
