Biełaruś admovicca ad korpusa reaktara, jaki zvaliŭsia pry budaŭnictvie BiełAES, navat kali ŭ jaho jość choć niejkaje paškodžańnie. Ab hetym Alaksandr Łukašenka zajaviŭ siońnia žurnalistam u čas rabočaj pajezdki ŭ Viciebskuju vobłaść.
«Niekatoryja dapisalisia, i navat rasiejcy (bolš za ŭsio rasiejskija srodki masavaj infarmacyi) — «zvaliŭsia reaktar na atamnaj stancyi ŭ Biełarusi, jakaja budujecca». Dyk ačomajciesia: tam nijakaha reaktara jašče i niama, tam jość mietaličny korpus — «bočka» — taŭščynioj 20 sm, u jaki budzie źmieščany reaktar, — raskazaŭ Alaksandr Łukašenka. — Mnie dakłali na ranicu, kali hety incydent adbyŭsia. Jany [budaŭniki] pieramiaščali jaho na składzie, treniravalisia padymać. Jaho padniali na moj rost, moža, krychu vyšej, stropy nie vytrymali, i hetaja «bočka» adnym krajem upała na ziamlu, ź jakoj jaje padniali».
«Navat kali jość najmienšyja paškodžańni abo drapiny, my ad hetaha korpusa pavinny admovicca. I rasiejcy kažuć, što kali biełarusy admoviacca ad hetaha korpusa, to jany pryviazuć inšy i ŭstalujuć. Voś i ŭvieś incydent», — skazaŭ Alaksandr Łukašenka.
