Na letnich Alimpijskich hulniach u Rya-de-Žanejra startavali mužčynskija asabistyja spabornictvy pa stralbie z łuka.
Kvalifikacyjny start byŭ aznamienavany novym suśvietnym i alimpijskim rekordam. Pradstaŭnik Respubliki Kareja Vu Čžyn Kim 72 vystrałami vybiŭ 700 bałaŭ i na adzin bał pieravysiŭ raniejšaje vyšejšaje suśvietnaje dasiahnieńnie. Druhi vynik u kvalifikacyi pakazaŭ łučnik z ZŠA Brejdzi Elisan, u jakoha 690 bałaŭ. Zamknuŭ trojku italjaniec David Paskuałučy (685).
Biełaruski spartsmien Anton Prylepaŭ pieršy etap spabornictvaŭ zaviaršyŭ z 52-m vynikam, nabraŭšy 643 bały. Na start siońnia vyjšli ŭsie zajaŭlenyja 64 łučniki. Nichto ź ich sietku alimpijskaha turniru nie pakinuŭ. U kvalifikacyi vyznačalisia pary, jakija pradoŭžać baraćbu ŭ 1/32 finału. Farmiravańnie ich ažyćciaŭlałasia pa standartnaj schiemie, zhodna ź jakoj zaniaŭšy pieršaje miesca dalej u duelnych startach budzie spaborničać z 64-m, druhi z 63-m i h.d. Sapiernikam Antona Prylepava ŭ stadyi na vybyvańnie budzie čylijski łučnik Rykarda Sota, jaki siońnia pakazaŭ 13-ty vynik (675 bałaŭ).
U mužčynskim asabistym turniry strałkoŭ z łuka pajadynki 1/32 finału pačnucca 8 žniŭnia. Sustreča biełarusa i čylijca adbudziecca 9 žniŭnia.
