Idlib haryć paśla načnoj bambiožki. Fota z rasijskich krynic Sputniknews.com.
Siryjskija paŭstancy zaniali klučavyja pazicyi na paŭdniovym zachadzie Alepa paśla niečakanaha nastupu, što pačaŭsia ŭ čaćvier i skončyŭsia pośpiecham u subotu.
Siły Asada adkazali na heta intensiŭnymi bambiožkami, jakija ažyćciaŭlaje pieravažna rasijskaja avijacyja, pieradajuć arabskija ŚMI.
Nastup u Alepa ažyćciaviła isłamisckaja kaalicyja «Džejš al-fatch», što ŭ pierakładzie aznačaje «Armija zavajovy».
U jaje ŭvachodziać isłamisckaja hrupoŭka «Achrar aš-šam», a taksama siryjskija «Braty-musulmany» i «Džebchat-an-Nusra». Finansujuć jaje Saudaŭskaja Aravija i Katar.
Jak śćviardžajecca, u bajach za Alepa z boku «Džejš al-fatch» udzielničała 9000 bajcoŭ.
Adstupleńnie siryjskaj armii moža zmusić Maskvu pavialičyć pamier suchaputnaha ekśpiedycyjnaha korpusa ŭ Siryi.
