Na skryžavańni vulic Pieršamajskaj i Pulichava ŭ Minsku źjaviŭsia biłbord z sacyjalnaj rekłamaj, pryśviečanaj Hodu kultury. Pilnyja minčuki zaŭvažyli, što aŭtary biłborda narabili na nadpisie bahata pamyłak.
Na biłbordzie paviedamlajecca: «Pomnik Francysku Skarynie, aśvietniku i hramadskomu dziejaču XV stahodździa ŭ Minsku».
Miž tym navukoŭcy ličać, što biełaruski pieršadrukar naradziŭsia kala 1490 hoda. Takim čynam, u XV stahodździ jon paśpieŭ pražyć kala dziesiaci hadoŭ. Aśvietaj i hramadskaj dziejnaściu jon zajmaŭsia tolki ŭ nastupnym, XVI stahodździ.
U «Minskrekłamie», jakaja zajmałasia raspracoŭkaj biłborda, paviedamili, što karcinku i tekst im zaćviardžali ŭ adździele ideałohii Minharvykankama. Rabotnica «Minskrekłamy» pahadziłasia, što ŭ tekście dapuščanaja pamyłka z ukazańniem stahodździa, i paabiacała vypravić.
Darečy, heta nie adzinaja pamyłka ŭ tekście. Pravilny tekst musiŭ by vyhladać tak: «Pomnik Francysku SkarynU, aśvietniku i hramadskAmu dziejaču XVI stahodździa, U Minsku».