5560 rubloŭ achviaravali biełarusy na stvareńnie pieršaha ŭ krainie Parku minijaciur zamkaŭ i chramaŭ Vialikaha Kniastva Litoŭskaha. Pra heta paviedamiŭ dyrektar fondu «Kraina zamkaŭ» Aleś Varykiš.
«Za 20 dzion kampanii na płatformie Talaka.by my sabrali 50% nieabchodnych srodkaŭ. Usiaho ŭ miežach kampanii my płanujem sabrać 11016 rubloŭ. Heta śviedčyć pra toje, što ideja sabrać u adnym miescy makiety našych staradaŭnich zamkaŭ znajšła žyvy vodhuk u našych suajčyńnikaŭ. My hłyboka ŭdziačnyja za takuju aktyŭnuju padtrymku», - kaža Alaksandr Varykiš.
Pavodle jaho słoŭ, na zaklik sabrać srodki na dźvie dadatkovyja 3D-drukarki, na jakich drukujucca makiety zamkaŭ i chramaŭ, užo adhuknulisia kala 40 čałaviek. Siarod ich viadomy teatralny režysior Valeryj Mazynski. «Viedajecie, ja sam niejki čas vahaŭsia. A što heta, a ci tak heta. A kali ŭbačyŭ kankretnyja rečy, kali vykłali materyjał, to ja adrazu adčuŭ hetuju praktyčnaść. Ja ŭvohule ciešusia praktyčnym spravam», - zajaviŭ režysior. Mazynski pierakanany, što Park minijaciur - heta «cahlinki, jakija my pavinny układvać u svaju budučyniu».
Pa słovach Alesia Varykiša, ludzi achviarujuć roznyja sumy. Niechta 5 rubloŭ, a niechta pa 200 ci navat 500 rubloŭ. «Byvaje, što spačatku achviaruje muž, a śledam žonka ci naadvarot. Pryjemna bačyć takija družnyja siemji, abjadnanyja luboŭju da historyi našaj krainy. My starajemsia źviazacca z kožnym achviaradaŭcam. I kožny raz my čujem słovy padziaki za toje, što robim. Heta vielmi pryjemna», - raspaviadaje Aleś Varykiš.
Dla achviaradaŭcaŭ fond «Kraina zamkaŭ» raspracavaŭ cełuju sistemu padarunkaŭ i źnižak. Tak, naprykład, achviaravaŭšy 20 rubloŭ, čałaviek atrymaje mahčymaść biaspłatna naviedvać park minijaciur ceły hod i skidki na ekskursii fondu. U vypadku, kali achviaravańnie składzie 50 rubloŭ i bolej, imia achviaradaŭca budzie zapisana na hanarovaj došcy, a pry sumie ad 100 rubloŭ akramia roznych źnižak achviaradaŭca atrymaje ŭ padarunak minijaciuru adnaho z zamkaŭ.
