Apublikavany kalandar čempijanatu śvietu pa chakiei 2017 hoda ŭ vyšejšym dyvizijonie. Turnir projdzie ŭ Paryžy (Francyja) i Kiolnie (Hiermanija) z 5 pa 21 maja.
Zbornaja Biełarusi na papiarednim etapie budzie vystupać u hrupie «V» u francuzskaj stalicy. Startavy matč jana praviadzie 5 maja suprać finaŭ. Poŭny raskład hulniaŭ:
- 5 maja. Finlandyja — Biełaruś;
- 6 maja. Biełaruś — Čechija;
- 8 maja. Biełaruś — Kanada;
- 10 maja. Šviejcaryja — Biełaruś;
- 12 maja. Francyja — Biełaruś;
- 13 maja. Słavienija — Biełaruś;
- 16 maja. Biełaruś — Narviehija.
Zbornaj Biełarusi spačatku pryznačanyja matčy z najbolš rejtynhavymi supiernikami, zatym z kamandami z t.zv. druhoha ešałona. Padobny raskład byu ŭ biełarusaŭ na sioletnim čempijanacie śvietu ŭ Maskvie. Niekatoryja biełaruskija chakieisty adznačali, što taki kalandar vielmi niazručny — lepš, kali matčy z topavymi supiernikami čarhujucca z hulniami suprać sieradniakoŭ.
Dla vychadu ŭ čverćfinał u hrupie nieabchodna zaniać adno ź pieršych čatyroch miescaŭ.
