U piatnicu z apošnim słovam vystupajuć abvinavačanyja pa spravie Uładzimira i Kaźbieka Japryncava i Alaksandra Arabiana. Uładzimir Japryncaŭ pačaŭ svaju pramovu sa słoŭ padziaki.
Fota: Jaŭhien Jerčak, TUT.BY
«Vialiki dziakuj rodnym, blizkim, siamji. Heta vialikaja sprava, što jany nam vierać. I chłopcam-spartsmienam dziakuj», — padziakavaŭ Japryncaŭ šmatlikim siabram i kaleham-spartoŭcam, štodnia prychodzili ŭ sud.
U asnoŭnym Japryncaŭ kaža pra abstaviny spravy, zredku emacyjna ŭzhadvajučy: «Žyvioł daŭno nie bačyŭ, sabaku chočacca pahładzić».
Jon taksama paprasiŭ žurnalistaŭ nie nazyvać jaho «pravaj» i nijakaj inšaj rukoj Čyža: «My byli partniorami».
«Ja nie mieŭ namieru nikoha padmanuć. Ja byŭ upeŭnieny, što i moładź pracuje na rynku naftapraduktaŭ, jany kantaktavali z našym naftavym adździełam, Baćvinka. «Trajpł» zajmaŭsia rastvaralnikami, ja ŭ heta nie lez. U ich, moładzi, byli nievialikija abjomy, ja dumaŭ, ich rychtujuć da niejkich vialikich prajektaŭ. Voś i padrychtavali», — skazaŭ Japryncaŭ-starejšy.
Jon jašče raz padkreśliŭ, što «nikoli Saviak i Mamijašvili nie kazali sa mnoj pra naftapradukty — tolki pra toje, što im pavinny byli hrošy». «Saviak nie durny čałaviek. Jon davaŭ hrošy pad pracenty — inakš by jon nie staŭ «padmanvacca» vosiem miesiacaŭ», — skazaŭ biźniesmien.
«Ja razumieŭ, što hrošaj niama, i byŭ u šoku, — uspomniŭ jon momant, kali jamu stała viadoma ab realnym abjomie daŭhoŭ syna, padkreśliŭšy, što zhodny z advakatam syna Kaźbieka, jaki padkreśliŭ, što śviadoma «kinuć» takich aŭtarytetnych i pavažanych ludziej, jak Michaił Mamijašvili i Iosifa Aksienćjeva, moładź nie mahła. — Heta viadomyja i pavažanyja mnoj ludzi, padmanvać, kidać ich — treba być chvorym čałaviekam».
Uładzimir Japryncaŭ nahadaŭ, što asabista addaŭ Mamijašvili i Anzoru (Jazepu Aksienćjevu) pa daŭhach syna i jaho partnioraŭ bolš za 1,5 młn dalaraŭ.
«Ja adčuŭ, što Čyž mianie pachavaŭ. Ja pryjšoŭ da jaho i ŭsio raspavioŭ, pra ŭsie daŭhi syna. Jon skazaŭ, što Mišu i Baćvinka biare na siabie, z astatnimi raźbiarysia ty», — raspavioŭ Japryncaŭ.
«Lubimaja prymaŭka majho byłoha partniora: dy jon źbity lotčyk», — adznačyŭ Japryncaŭ, raspaviadajučy, jak Mamijašvili pryjazdžaŭ u Minsk aceńvać, jak jon zrazumieŭ paśla, abjomy biznesu. Pry hetym Japryncaŭ padkreśliŭ, što vielmi ŭdziačny i Mamijašvili, i Saviaku za ich pavodziny ŭ pieryjad, kali jon u razhar prablem z abaviazkami syna apynuŭsia ŭ balnicy.
«Kali b moładź była ašukancami, naša słužba biaśpieki, a jana nie horšaja, čym KDB, viedała b, kali b jany zajmalisia jakim-niebudź hłupstvam», — skazaŭ Japryncaŭ.
Jon adznačyŭ, što pieršy raz adčuŭ, što jamu zdradzili, kali kiraŭniki Savieckaha Sajuza krainu razvalili, druhi, kali ŭbačyŭ, što na jaho napisaŭ u zajavie Čyž.
«Nie takija ŭžo drennyja maładyja ludzi. Na maich vačach jany šmat dapamahali dziciačym damam, balnicam. Nie było ni jacht, ni samalotaŭ. Kali pačalisia prablemy, stali pradavać usio…» — padkreśliŭ Uładzimir Japryncaŭ.
«Prašu pryniać abjektyŭnaje rašeńnie. Upeŭnieny, što machlarstva ŭ našych dziejańniach nie było», — reziumavaŭ jon.
Fota: Jaŭhien Jerčak, TUT.BY
Kaźbiek Japryncaŭ padkreśliŭ, što pa epizodzie z Saviakom «vidać niaŭzbrojenym pohladam, što za paŭtara hoda pieraličyć 24 młn dalaraŭ, nie atrymać ni kropli naftapraduktaŭ i praciahvać pieraličvać hrošy — heta prosta nierealna». Vidavočna, što heta byŭ dahavor pazyki, adznačyŭ jon.
«Kali naš biznes byŭ taki ŭžo prablemny, to niezrazumieła, čamu pretenzii da jaho źjavilisia ŭžo paśla zatrymańnia», — praciahvaŭ Kaźbiek.
Pra svaje ekśpierymienty z «Foreks» jon skazaŭ unikliva, adznačyŭšy, što nie było pradstaŭlena ŭ sudzie dokazaŭ taho, što jon hraŭ na «Foreksie».
Kaźbiek padziakavaŭ svajakam za padtrymku, adznačyŭ, što z takoj padtrymkaj možna i 15 hadoŭ prasiedzieć, i paprasiŭ ich spakojna pryniać luby prysud, «ni ŭ kaho nie plavać» (mama Kaźbieka na adnym z pasiadžeńniaŭ emacyjna plunuła ŭ paciarpiełaha Rabceviča).
Sud pajšoŭ u daradčy pakoj. Prysud budzie abvieščany 23 žniŭnia.
Siabry i rodnyja, pakidajučy zału, vinšavali Uładzimira Japryncava z budučym dniom naradžeńnia: 14 žniŭnia jamu spaŭniajecca 55 hadoŭ.
