 |
Biełarusy Litvy z Varenskaha rajonu, jaki miažuje z Haradzienskaj vobłaściu, damahlisia adnaŭleńnia pracy rehijanalnaha KPP, što značna palehčyła biełarusam rajonu vyjezd u Biełaruś.
Dla peŭnaje častki biełarusaŭ Letuvy pajezdka na Baćkaŭščynu była nie małoj prablemaj. Litaralna niekalki kilametraŭ, jakija padzialali susiednija vioski, davodziłasia minać praz KPP susiedniaha rajonu za 100 km.
Havoryć kiraŭnik biełaruskaje hramady Varenskaha rajonu Ivan Sakovič:
«Piać hadoŭ pisali va ŭsie instancyi..! Zmahalisia, prasili, jak mahli. Vialikija načalniki, narešcie, źlitavalisia nad nami, adkryli doŭhačakany naš pierachod. Praŭda, krychu ŭ padrezanym varyjancie — try dni na tydni, i tolki ad 10:00 da 17:00. Nu, ale j heta dobra!»
Ciapier biełarusy Varenskaha rajonu spadziajuca, što pamiežny pierachod «Raka‑Piecielusy» budzie pracavać stała.
