23 žniŭnia prezident Ukrainy Piatro Parašenka ukazam №340 uznarodziŭ niekalki zamiežnych hramadzianaŭ «Za važki asabisty ŭkład va ŭmacavańnie mižnarodnaha aŭtarytetu ŭkrainskaj dziaržavy, papularyzacyju jaje histaryčnaj spadčyny i sučasnych dasiahnieńniaŭ i z nahody 25-j hadaviny niezaležnaści Ukrainy».
Siarod uznaharodžanych — biełaruskaja piśmieńnica, aŭtarka «Našaj Nivy» Natałka Babina. Jaje Parašenka ŭznaharodziŭ śpiecyjalnaj adznakaj — jubilejnym miedalom «25 hadoŭ niezaležnaści Ukrainy». Natałka Babina — kiraŭnik tavarystva ŭkrainskaj litaratury pry Sajuzie biełaruskich piśmieńnikaŭ.
Hetym samym miedalom uznaharodžanyja: Viktar Hutoŭski — kiraŭnik Biełaruskaha hramadskaha abjadnańnia ŭkraincaŭ «Vatra», Halina Kalužnaja — kiraŭnik Minskaha abjadnańnia ŭkraincaŭ «Zapovit», Valancina Łohvin — staršynia hramadskaha abjadnańnia «Centr ukrainskaj kultury «Sič», Viktar Misijuk — kiraŭnik ukrainskaj navukova-piedahahičnaj supołki «Bierahinia» ŭ Biełarusi; Raman Matulski — dyrektar Nacyjanalnaj biblijateki, kiraŭnik tavarystva «Biełaruś — Ukraina».
