Vyšejšy administracyjny sud Francyi prypyniŭ dziejańnie zabarony na našeńnie na plažach musulmanskaha kupalnaha kaściuma burkini, jaki całkam zakryvaje cieła.
AFP
Zabarona na źjaŭleńnie ŭ burkini na plažach niekatorych francuzskich haradoŭ abskardziła hrupa pravaabaroncaŭ ź Lihi pa abaronie pravoŭ čałavieka.
U kancy lipienia — pačatku žniŭnia ŭłady siami haradoŭ na ŭźbiarežžy Francyi nakłali zabaronu na źjaŭleńnie na plažach horada žančyn u burkini ź mierkavańniaŭ biaśpieki i hramadskaha paradku. Parušalnikam zabarony pahražaje štraf i vypravadžeńnie ź plažu.
Pavodle źviestak pravaabaroncaŭ, za apošnija dva tydni ŭ francuzskaj Ryŭjery za źjaŭleńnie ŭ burkini byli aštrafavanyja 16 žančyn. Pravaabaroncy ličać hetyja štrafy parušeńniem pravoŭ musulman.
