Nacyjanalnaje ahienctva pa turyźmie Biełarusi źbirajecca vypuścić novyja turystyčnyja brašury, u tym liku vydańnie «100 rečaŭ, jakija varta zrabić u Biełarusi».
Niaśvižski zamak. Fota Julii Balcevič
Suaŭtarami vydańnia pra Biełaruś mohuć stać usie achvotnyja. Dla hetaha na aficyjnaj staroncy Nacahientstva pa turyźmie ŭ fejsbuku treba raspavieści pra tyja rečy, jakija možna paraić turystam abaviazkova zrabić u Biełarusi, sakrety, jakija pa-sapraŭdnamu raskryvajuć pryhažość krainy. Kuchnia, miescy, suvieniry, padziei, dziejańni — heta moža być usio što zaŭhodna.
Karystalniki mohuć pakidać svaje kamientary da pasta ŭ fejsbuku da 12 vieraśnia. Pa zakančeńni hetaha terminu infarmacyja budzie sabranaja i apracavanaja, paśla čaho vykarystanaja ŭ vydańni turystyčnych brašur.