U mižnarodnym aŭtadarožnym punkcie propusku «Brest» 1 vieraśnia pačała funkcyjanavać sistema elektronnaj čarhi transpartu.
Jak paviedamlaje Dziaržaŭny pamiežny kamitet Biełarusi, u adpaviednaści z pastanovaj Savieta ministraŭ ad 31 śniežnia 2015 h. № 1130 ŭvieś transpart, jaki pierasiakaje miažu ŭ punkcie propusku «Brest», budzie prachodzić praź sistemu elektronnaj čarhi.
Farmavańnie čarhovaści ŭjezdu transpartu ŭ punkt propusku budzie zasnavana na nieskładanym miechaniźmie. Pry ŭjeździe ŭ zonu čakańnia kožny aŭtamabil prachodzić praceduru rehistracyi. Pry hetym sistema ŭličvaje, ci staić aŭtamabil pa zabraniravanym časie, ci pa žyvoj čarzie. Sistema elektronnaj čarhi ŭ paradku čarhovaści paviedamić, kali treba vyjechać z zony čakańnia dla dalejšaha prajezdu ŭ punkt propusku. Dadzienaja infarmacyja adlustroŭvajecca na elektronnym tabło.
Z 1 vieraśnia luby hramadzianin zmoža samastojna zabraniravać čas ujezdu ŭ punkt propusku z zony čakańnia. Dadzienaja pasłuha — płatnaja. Pamier płaty za braniravańnie času ŭjezdu ŭ punkt propusku «Brest» u pieradvychadnyja, vychadnyja, pieradśviatočnyja dni, dziaržaŭnyja śviaty abo śviatočnyja dni, jakija ŭstanoŭlenyja i abjaŭlenyja ŭ adpaviednaści z zakanadaŭstvam niepracoŭnymi, składzie 1 bazavuju vieličyniu (21 BYN), u astatnija dni — 0,8 bazavaj vieličyni (16,8 BYN).
Dla elektronnaha braniravańnia nieabchodna prajści praceduru rehistracyi na sajcie belarusborder.by. Sistema rehistruje hramadzianina, jaki pierasiakaje miažu, nie paźniej, čym za try hadziny da mierkavanaha času pierasiačeńnia miažy.
Braniravańnie času ŭjezdu ŭ punkt propusku na adzin i toj ža transpartny srodak niekalki razaŭ nie dapuskajecca. Dadać jašče adno papiaredniaje anłajn-braniravańnie dla hetaha ž transpartu možna tolki paśla pierasiačeńnia im miažy abo admieny najaŭnaj broni.
Aŭtamabil z brońniu zajazdžaje ŭ servisnuju zonu čakańnia pa asobnym kanale i taksama atrymlivaje svoj numar rehistracyi. U zabraniravany čas transpartny srodak vyjazdžaje z zony čakańnia. Varta ŭličvać, što intervał zabraniravanaha času składaje adnu hadzinu.
Bolš rańni pryjezd u zonu čakańnia ŭ nadziei chutčej zajechać u punkt propusku nieracyjanalny. Kiroŭca pakinie stajanku tolki tady, kali zaharycca jaho numar čarhi na elektronnym tabło.
Dziaržpamiežkamitet źviartaje ŭvahu na toje, što pasłuhaj braniravańnia vyznačajecca tolki čas ŭjezdu ŭ punkt propusku. Pahraničny, mytny i inšyja vidy kantrolu kožny pierasiakajučy miažu prachodzić va ŭstanoŭlenym paradku.
