Prezident Rasii Uładzimir Pucin nie znajšoŭ času pavinšavać svajho biełaruskaha kalehu Alaksandra Łukašenku z 62-m dniom narodzinaŭ. Pa mienšaj miery, na sajtach abodvuch kiraŭnikoŭ dziaržaŭ pra heta niama ni radka.
kremlin.ru
Pahruzilisia ŭ maŭčańnie z hetaj nahody i aficyjnyja ŚMI dźviuch krain.
U pryvatnaści, na sajcie Pucina paviedamlajecca, što jon pravioŭ dźvie rabočyja sustrečy — z hubiernataram Rastoŭskaj vobłaści Vasilom Hołubievym i časovym v.a. hubiernatara Zabajkalskaha kraju Natallaj Ždanavaj.
Taksama pryviedzieny hrafik kiraŭnika rasijskaj dziaržavy z 1 pa 5 vieraśnia. U raździele ž «Telehramy» apošniaje paviedamleńnie datavana 27 žniŭnia.
Na sajcie Alaksandra Łukašenki jość infarmacyja ab sustrečy z kiraŭnikami misii ABSIE pa nazirańni za parłamienckimi vybarami ŭ Biełarusi, spačuvańni prezidentu Indyi i Kyrhyzstana — Pranabu Mukierdžy i Ałmaźbieku Atambajevu, a taksama ab padpisańni ŭkaza ab uznaharodžańni ordenam Maci 19 šmatdzietnych žančyn.
A voś raniej rasijskija lidary rehularna vinšavali svajho stratehičnaha partniora. Voś, naprykład, jak heta było 30 žniŭnia 2015 hoda.
Skrynšot z sajta prezidenta RF
