«Na pomniku Alaksandru Nieŭskamu ŭ Viciebsku niama rasijskaha duchu», — cytuje staršyniu viciebskaj hramadskaj arhanizacyi «Rasijski kulturny centr «Ruś» Ihara Patapava rasijskaje ahienctva «Rehnum».
Biełaruskija čynoŭniki, pavodle mierkavańnia ekśpierta, «tajemna ŭvasobili svaje śpiecyfičnyja prychilnaści», bo nie pakazali ŭ pomniku idei adzinstva, mahutnaści i abarony rasijskaj ziamli. Jak biełaruskija čynoŭniki mielisia ŭ biełaruskim pomniku ŭvasobić takija idei, nie paviedamlajecca.
Nie spadabaŭsia Patapavu i nadpis na pomniku vykanany pa-biełarusku.
«Ničoha hetaha ŭ pomniku Alaksandru Nieŭskamu ŭ Viciebsku niama zusim, niama rasijskaha duchu. A kab u hetym nichto nie sumniavaŭsia — jašče i nadpis na pastamiencie vykanany na «biełmovie»», — abraźliva kaža jon pra dziaržaŭnuju movu Respubliki Biełaruś.
Pomnik viciebskaj kniažnie Alaksandry, jaje mužu Alaksandru Nieŭskamu i synu Vasilu byŭ pastaŭleny ŭ Viciebsku ŭ červieni 2016 hoda.
Za toje, kab pastavić pomnik vystupała miascovaja jeparchija BPC i prarasijskija aktyvisty. Ułady pajšli im nasustrač. Ale ciapier aktyvisty chočuć, kab na biełaruskaj ziamli čužy kniaź stajaŭ nie z žonkaj i synam, z vojskam, jak na pomniku ŭ Pskovie.