Na parłamienckich vybarach na Siejšelskich vyspach pieramohu atrymała apazicyjnaja kaalicyja «Siejšelski demakratyčny sajuz» (SDS).
Jana atrymaje 15 miescaŭ u Nacyjanalnaj asamblei, jašče 10 miescaŭ u parłamiencie zachavaje za saboj «Narodnaja partyja», jakaja znachodzicca va ŭładzie z 1977 hoda. Pa zakonie Siejšełaŭ, astatnija 9 deputackich mandataŭ buduć raźmierkavanyja pamiž partyjami praparcyjna atrymanamu im pracentu hałasoŭ na vybarach.
Pośpiech SDS nie staŭ niečakanaściu, i jašče da abviaščeńnia vynikaŭ hałasavańnia prezident krainy Džejms Mišel abviaściŭ, što hatovy da supracoŭnictva z novaj asamblejaj.
U 2011 hodzie hałoŭnaja apazicyjnaja siła ŭ krainie — «Siejšelskaja nacyjanalnaja partyja» — admoviłasia ŭdzielničać u parłamienckich vybarach, abviaściŭšy ich niesumlennymi. Da ciapierašnich vybaraŭ jana ŭvajšła ŭ kaalicyju ź jašče čatyrma drabniejšymi apazicyjnymi partyjami.
Byłaja kałonija Vialikabrytanii atrymała niezaležnaść u 1976 hodzie, i ŭžo praz hod u vyniku ŭzbrojenaha pieravarotu da ŭłady ŭ krainie pryjšła marksisckaja Narodnaja partyja na čale z Frans-Albieram Rene, jaki kiravaŭ adnaasobna da 2004 hoda.
Adnak jašče ŭ 1991 hodzie Rene abviaściŭ ab admovie ad marksisckaj ideałohii i viartańni da šmatpartyjnaści i svabodnych vybaraŭ. U 2004 hodzie jon dobraachvotna syšoŭ z pasady prezidenta, pieradaŭšy kiravańnie krainaj Džejmsu Mišelu.
U 2006 hodzie Mišel vyjhraŭ prezidenckija vybary, a potym byŭ pieraabrany na hetuju pasadu ŭ 2011 hodzie.