AP
Paŭtornyja prezidenckija vybary ŭ Aŭstryi, pryznačanyja na 2 kastryčnika, pieraniesieny na niavyznačany termin, paviedamiŭ na pres-kanfierencyi ministr unutranych spraŭ krainy Volfhanh Sabotka.
Pryčynaj pieranosu staŭ niajakasny klej, jakim zapiačatvali kanvierty dla hałasavańnia pa pošcie. U vyniku kanvierty ź biuleteniami mahli adkrycca. «My nie možam acanić, kolki kanviertaŭ i jakija mienavita mahli adkrycca», — skazaŭ Sabotka.
Pra mahčymy pieranos vybaraŭ Sabotka kazaŭ i na minułym tydni, adnak tady kančatkovaha rašeńnia pryniata nie było. Ciapier abmiarkoŭvajucca roznyja daty nastupnych vybaraŭ. Pa słovach Sabotka, havorka idzie pra 27 listapada ci 4 śniežnia.
Ab praviadzieńni paŭtornaha hałasavańnia było abvieščana, kali Kanstytucyjny sud Aŭstryi anulavaŭ vyniki druhoha tura vybaraŭ z-za šmatlikich parušeńniaŭ padčas hałasavańnia.
U druhim tury prymali ŭdzieł kandydat ad krajnie pravaj Aŭstryjskaj partyi svabody Norbiert Chofier i były lidar partyi «Zialonyja» Alaksandr Van der Belen, jaki atrymaŭ pieramohu ź minimalnym adryvam u 30 tysiač hałasoŭ.