ZŠA pryznajuć «niekatoryja palapšeńni» pry praviadzieńni parłamienckich vybaraŭ u Biełarusi, adnak nie ličać ich u poŭnaj miery svabodnymi i sumlennymi. Pra heta zajaviŭ pradstaŭnik dziarždepartamienta Džon Kirbi, havorycca ŭ zajavie viedamstva.
«ZŠA vitajuć mirny charaktar praviadzieńnia parłamienckich vybaraŭ 11 vieraśnia ŭ Biełarusi. My pryznajem niekatoryja palapšeńni vybarčaha pracesu, i my adznačajem, što alternatyŭnyja hałasy buduć pradstaŭleny ŭ parłamiencie ŭpieršyniu za 12 hadoŭ», — adznačyŭ Kirbi.
Jon taksama padkreśliŭ, što pry hetym vybary nie adpaviadali mižnarodnym abaviazacielstvam Biełarusi pa praviadzieńni svabodnych i sumlennych vybaraŭ, jak heta adznačyli ŭ sumiesnaj zajavie ABSIE i BDIPČ ABSIE.
«My praciahvajem zaklikać urad Biełarusi da praviadzieńnia surjoznaj reformy vybarčaha zakanadaŭstva», — skazaŭ Kirbi.
Pavodle jaho słoŭ, ZŠA «ćviorda i biezumoŭna» padtrymlivajuć suvierenitet i niezaležnaść Biełarusi, a ŭmacavańnie demakratyi ŭ krainie pryviadzie da palapšeńnia dvuchbakovych adnosinaŭ Minska i Vašynhtona.
