Hrodzienskaja milicyja šukaje kampaniju, jakaja źbiła kantralora hramadskaha transpartu.
Jak paviedamlaje UUS Hrodzienskaha abłvykankama, złačynstva było ździejśnienaje niekalki dzion tamu. Bryhada kantraloraŭ prybyła na prypynačny punkt, dzie stała praviarać hramadski transpart. U adnym z tralejbusaŭ apynuŭsia pjany bieźbiletny pasažyr. Supracoŭniki kantrolna-revizijnaj słužby sprabavali pravieści jaho ŭ słužbovy aŭtobus, ale jon supraciŭlaŭsia. Adbyŭsia słoŭny kanflikt.
U kanflikt pačali ŭstupać hramadzianie, jakija znachodzilisia na prypynku hramadskaha transpartu. U niejki momant tudy padyšła kampanija, dvoje mužčyn pavodzili siabie ahresiŭna. Jany pravakavali supracoŭnikaŭ kantrolu na kanflikt, a paśla nanieśli adnamu z kantraloraŭ niekalki udaraŭ. Mužčyna 1967 hoda naradžeńnia ŭpaŭ na asfalt. U vyniku ŭdaru i padzieńnia jon atrymaŭ cialesnyja paškodžańni ŭ vyhladzie pierałomu nosa, zakrytaha pierałomu palca i zakrytaha pierałomu chvastca, paviedamlaje UUS Hrodzienskaha abłvykankama.
U hrodzienskaj milicyi adznačajuć, što minaki aktyŭna paviedamlali pra bojku, ale zatrymać złačyncaŭ da pryjezdu milicyi nie ŭdałosia. Zastalisia tolki ich fatahrafii. Kali vy paznali mužčyn na fota, to patelefanujcie pa telefonie ŭ Hrodnie 79-78-04 abo 102.
