U miemaryjalnym kompleksie «Bresckaja krepaść» uvodziać štrafy dla naviednikaŭ, jakija fatahrafujucca na ruinach, bo heta škodzić histaryčnym abjektam.
ecotour.by
Jak pieradaje Jeŭraradyjo sa spasyłkaj na telekanał ANT, raniej dyrekcyja kompleksu zmahałasia z pavodzinami turystaŭ z dapamohaj infarmacyjnych tabličak, ale vyniku heta nie dało.
Praŭda dyrektar miemaryjalnaha kompleksu «Bresckaja krepaść-hieroj» Ryhor Bysiuk pryvodzić inšuju pryčynu — maralnuju:
«Tyja sełfi, zdymki, jakija robiać la našych skulpturnych kampazicyj, budynkaŭ, zbudavańniaŭ časam niedarečnyja, skažam tak. Niedarečnyja vyrazy tvaraŭ i pozy, jakija robiać našy naviedvalniki. Treba pra heta pamiatać!».
Užo bližejšym časam u krepaści źjaviacca tablički z paviedamleńniami pra pamier štrafaŭ.