Biełaruski płyviec Ihar Bokij zavajavaŭ čaćviorty załaty miedal letnich Paralimpijskich hulniaŭ u Brazilii.
14 vieraśnia jon zaniaŭ pieršaje miesca na dystancyi 50 mietraŭ volnym stylem siarod słabaviduščych (katehoryja S 13) z rekordam Parlimpijskich hulniaŭ 23,44 siekundy.
Raniej Bokij staŭ najlepšym na dystancyjach 100 m baterflajem, 200 m kompleksnym płavańniem i 400 m volnym stylem, a taksama finišavaŭ trecim na stomietroŭcy brasam.
U miedalnym zaliku biełaruskaja zbornaja zajmaje 15-je miesca z 6 załatymi i 2 bronzavymi miedalami.
U pieršaj dziasiatcy Kitaj (75, 58, 39), Vialikabrytanija (43, 24, 28), Ukraina (31, 23, 27), ZŠA (26, 30, 24), Brazilija (10, 24, 14), Aŭstralija ( 10, 21, 20), Hiermanija (9, 13, 8), Niderłandy (8, 12, 17), Novaja Ziełandyja (8, 5, 4), Nihieryja (8, 2, 1).
Spabornictvy zaviaršajucca 18 vieraśnia.
