U Biełarusi dazvolena arhanizavać biaspłatny dostup da Wi-Fi u hramadskim transparcie. Heta praduhledžana pastanovaj ministerstva suviazi i infarmatyzacyi ad 29 žniŭnia 2016 hoda №13, apublikavanaj na Nacyjanalnym pravavym internet-partale.
Raniej Dziaržaŭnaja kamisija pa radyjočastotach zaćvierdziła pastanovu ab uniasieńni źmianieńniaŭ u pieralik radyjoelektronnych srodkaŭ i vysokačastotnych pryład, što dazvoliła stvaryć asnovu dla paŭsiudnaha raspaŭsiudu Wi-Fi.
Ministr suviazi i infarmatyzacyi Siarhiej Papkoŭ zajaviŭ, što Wi-Fi stanie dastupny tolki paśla taho, jak transpartnyja kampanii, jakija zajmajucca pieravozkami pasažyraŭ, znojduć šlachi supracoŭnictva z arhanizacyjami, jakija akazvajuć pasłuhi suviazi. Toje ž samaje tyčycca i mietrapalitena. Apieratary suviazi ŭžo hatovyja pajści na supracoŭnictva i raźvivać hety kirunak. Taksama ministr adznačyŭ, što pryvatnyja transpartnyja kampanii dla pryciahnieńnia klijentaŭ mohuć aktyŭna zajmacca ukaranieńniem Wi-Fi.
