U Minsku vyznačanyja patrabavańni da ŭmoŭ pachavańnia i ŭtylizacyi pamierłych chatnich žyvioł.
Pra heta paviedamili ŭ HU «Minskaja haradskaja vieterynarnaja stancyja». Rehłamientavanyja jany vieterynarna-sanitarnymi praviłami «Ab dadatkovych mierach pa likvidacyi i niedapuščeńni raspaŭsiudžvańnia afrykanskaj čumy śviniej i inšych niebiaśpiečnych zachvorvańniaŭ žyvioł».
Narmatyŭny dakumient zaćvierdžany pastanovaj Savieta Ministraŭ Respubliki Biełaruś ad 29.08. 2013 № 758 (u redakcyi ad 2016/07/01). Zhodna ź im, niedapuščalna vykidvać reštki žyvioł u vadajomy, bałoty, lasnyja masivy, kantejniery dla zboru bytavoha śmiećcia. A taksama vyvozić ich na palihony dla pachavańnia adchodaŭ i inšyja abjekty abo budynki, dla hetaha nie pryznačanyja.
Patrabavańni abaviazkovyja dla vykanańnia jurydyčnymi i fizičnymi asobami, a taksama indyvidualnymi pradprymalnikami, jakija majuć va ŭłasnaści žyvioł. Za nievykanańnie dziejučych vieterynarna-sanitarnych praviłaŭ praduhledžanaja adkaznaść u vyhladzie papiaredžańnia abo nakładańnia štrafu ŭ pamiery da 20 bazavych vieličyń (č. 1, art. 15 KaAP).
U Minsku pasłuhi pa pachavańni žyvioł akazvaje UP «Ekares», teł. 8 (017) 344-57-91, 8 (017) 344-20-32. Dla hetaha praduhledžanyja jamy Biekary, raźmieščanyja na žyviolnym mohilniku (Minski rajon, Chaciežynskaha sielsavieta, 14-y km Rakaŭskaj šašy), a taksama kompleks pa spalvańni (Minsk, vuł. Paŭłoŭskaha, 7a).
Astanki chatnich žyvioł ad nasielnictva dla nastupnaha pachavańnia prymaje taksama HP «Fauna horada» pa adrasie: Minsk, vulica Hurskaha, 42. Teł. 8 (017) 256-17-74.
