Ministry finansaŭ krain Vialikaj vaśmiorki (G8) chočuć razabracca ŭ pryčynych rezkaha rostu cenaŭ na naftu. Palityki, jakija sustrelisia ŭ japonskim horadzie Asaka, napisali ŭ svajoj zajavie, što da śledztva pavinien dałučycca Mižnarodny valutny fond.
Hrupa G8 zaklikała Fond i Mižnarodnaje enerhietyčnaje ahienctva, kab jany razam z uradami krainaŭ vyvučyli pryčyny apošniaha rostu koštaŭ na naftu j jaho ŭpłyŭ na hlabalnuju ekanomiku. Taksama ministry zaklikali da pavialičeńnia zdabyčy syraviny. Pradstaŭniki hrupy G8 ličać, što nieabchodnym źjaŭlajecca ŭviadzieńnie bolšaj prazrystaści na paliŭnym rynku j dostupu da praŭdzivych źviestak ab schoviščach syraviny j uzroŭni ich zdabyčy.
Ministry aścierahli, što vysokija ceny praduktaŭ charčavańnia j paliva stvarajuć surjoznuju pahrozu dla stabilnaści ŭsiaśvietnaj ekanomiki, a taksama mohuć paŭpłyvać na pahłybleńnie halečy j uzmocnić inflacyju.