Hienieralny dyrektar AAT «Bakaleja Mahiloŭ» Vital Kurnosaŭ uziaty pad vartu pa abvinavačvańni ŭ atrymańni chabaru.
Jak paviedamiła 28 vieraśnia na svajoj staroncy ŭ Facebook aficyjny pradstaŭnik Śledčaha kamiteta Julija Hančarova, upraŭleńnie SK pa Mahiloŭskaj vobłaści rasśleduje kryminalnuju spravu ab złačynstvie karupcyjnaj skiravanaści ŭ dačynieńni da hienieralnaha dyrektara AAT «Bakaleja Mahiloŭ». Dziejańni słužbovaj asoby kvalifikavanyja pa častcy 1 artykuła 430 Kryminalnaha kodeksa (atrymańnie chabaru).
Hiendyrektaru vystaŭlenaje abvinavačańnie, prymienienaja miera strymańnia ŭ vyhladzie zaklučeńnia pad vartu. Pravodzicca rasśledavańnie, praviarajecca infarmacyja ab dačynieńni abvinavačanaha da inšych faktaŭ supraćpraŭnaj dziejnaści, piša Hančarova.
Jak paviedamili ŭ pryjomnaj hiendyrektara AAT «Bakaleja Mahiloŭ», usimi pytańniami, jakija ŭvachodziać u kampietencyju Kurnosava, zajmajecca jaho namieśnik Maryna Birukova. Pryčynu adsutnaści hiendyrektara patłumačyć admovilisia, paviedamiŭšy, što jaho na miescy niama i najbližejšym časam nie budzie.
