DVA «Biełenierha» i niamieckaja kampanija «Simiens» 28 vieraśnia ŭ Minsku padpisali pahadnieńnie ab supracoŭnictvie, paviedamiła dziaržabjadnańnie.
Podpisy pad dakumientam pastavili hienieralny dyrektar «Biełenierha» Jaŭhien Voranaŭ i vice-prezident «Simiens AH» Vili Majksner.
Baki majuć namier prapracavać kanceptualnyja i papiarednija techničnyja rašeńni varyjantu vykarystańnia hazaturbinnych enierhietyčnych ustanovak kampanii «Simiens» dla budaŭnictva ŭ Biełarusi pikava-reziervovych enierhakrynic.
Siarod pryjarytetnych kirunkaŭ supracoŭnictva — ukaranieńnie kompleksnych enierhaźbierahalnych rašeńniaŭ dla madernizacyi technałahičnych pracesaŭ na abjektach elektraenierhietyki.
U chodzie sustrečy ministr enierhietyki Uładzimir Patupčyk adznačyŭ, što Biełaruś «zaŭsiody adkrytaja da supracoŭnictva na ŭzajemavyhadnych umovach, pieravahi addajucca enierhaefiektyŭnym prajektam z vykarystańniem sučasnaha abstalavańnia kampanij, jakija dobra zarekamiendavali siabie na biełaruskim rynku». Ministr padziakavaŭ pradstaŭnikam kancerna «Simiens» za vyrašeńnie pytańniaŭ pa servisnym absłuhoŭvańni pastaŭlenaha abstalavańnia i prapanavaŭ praciahnuć dyjałoh u ramkach biełaruska-hiermanskaha enierhietyčnaha forumu ŭ kastryčniku ŭ Minsku.
Majksner vykazaŭ padziaku biełaruskamu boku za «mahčymaść prezientacyi dośviedu kampanii ŭ enierhietyčnym siektary» i skazaŭ, što za čas, praviedzieny ŭ Biełarusi, «byŭ uražany prafiesijanalizmam ŭ arhanizacyi rabot u enierhietycy, kampietentnaściu i dalnabačnaściu biełaruskich śpiecyjalistaŭ, ahulnaj nakiravanaściu na dalejšaje raźvićcio i vykarystańnie najnoŭšaha abstalavańnia, racyjanalnym padychodam pry realizacyi inviestycyjnych prajektaŭ».
