Arhanizacyja Abjadnanych Nacyj u Biełarusi abjaŭlaje nabor maładych ludziej va ŭzroście ad 15 da 24 hadoŭ u Moładzievuju radu, paviedamili ŭ departamiencie hramadskaj infarmacyi AAN u Biełarusi.
Maładyja ludzi z aktyŭnaj hramadzianskaj pazicyjaj, jakija cikaviacca pracaj AAN i imknucca źmianić śviet i krainu da lepšaha, mohuć padać zajaŭku da 3 kastryčnika ŭklučna. Moładzievaja rada AAN budzie adyhryvać aktyŭnuju rolu ŭ vyrašeńni pytańniaŭ, jakija tyčacca moładzi, a taksama sadziejničać prasoŭvańniu Metaŭ ustojlivaha raźvićcia, umacavańniu ŭzajemadziejańnia pamiž maładymi ludźmi i ahienctvami sistemy AAN.
U Biełarusi ŭdzieł moładzi ŭ pryniaćci rašeńniaŭ u śfiery raźvićcia prapahandujecca praz nacyjanalnyja forumy, a taksama dziciačyja i moładzievyja parady i parłamienty, stvoranyja ŭ 23 haradach respubliki, jakija dałučylisia da hłabalnaj inicyjatyvy «Harady, pryjaznyja dzieciam».
AAN u Biełarusi imkniecca załučać moładź u svaju dziejnaść — z hetaj metaj i była zasnavanaja Moładzievaja rada AAN. Hety orhan zaklikany hrać aktyŭnuju rolu ŭ kansultatyŭnaj dziejnaści pa pytańniach moładzi, pavyšeńni ŭzroŭniu infarmavanaści ab pamknieńniach, patrebach i prablemach moładzi.
U skład Moładzievaj rady AAN u Biełarusi ŭvojduć 11 maładych ludziej — pradstaŭniki roznych sacyjalnych słajoŭ i prafiesijnych hrup, roznych intaresaŭ i ŭzroŭniu adukacyi. Čakajecca, što skład rady budzie hienderna zbałansavany. Siabry Moładzievaj rady AAN abirajucca terminam na 1 hod.
