Fota z archiva «NN»
Jak raspavioŭ zahadčyk adździaleńnia Rusłan Karžoŭ, žančyna z synam źviarnułasia ŭ bank, kab pamianiać na valutu try pakiety maniet — ahułam 350 rubloŭ.
Pa čarzie, jakaja nazirała ŭvieś hety praces, prakaciŭsia šept: «Nu, da viečara ciapier budziem čakać».
«Hrošy byli naminałam 50 kapiejek, rubiel i dva rubli. U kožnym pakiecie dzieści pa sto maniet. Supracoŭnica, jakaja absłuhoŭvała klijentaŭ, naturalna, spačatku ździviłasia i krychu razhubiłasia. Ale chutka zaryjentavałasia i spraviłasia litaralna za piać chvilin», — raspavioŭ Rusłan Karžoŭ.
Śpiecyjalnaha abstalavańnia dla pieraliku maniet niama, robicca heta ŭručnuju, ale, jak vyśvietliłasia, nie zajmaje šmat času.
Dla maładziečanskaha adździaleńnia «Ideja Bank» heta pieršy padobny dośvied, choć składanyja apieracyi z hrašyma pravodziać časta. Tut ža asablivaść była jakraz u vialikaj kolkaści maniet.
