ZŠA i nadalej buduć padtrymlivać Ukrainu i nastojvajuć na dypłamatyčnym rašeńni kanfliktu na Danbasie i situacyi z anieksijaj Kryma.
Pra heta zajaviŭ dziaržsakratar ZŠA Džon Kery, vystupajučy ŭ Brusieli na kanfierencyi German Marshall Fund.
«My chočam pracavać z RF dla vyrašeńnia ahulnych vyklikaŭ. Asabista ja pravodžu bolš času z kiraŭnikom MZS RF, čym ź lubym inšym zamiežnym dypłamatam. Ale pošuk dyjałohu z RF nie zdymaje z nas adkaznaści zastavacca addanymi pryncypam svabody i mižnarodnaha zakanadaŭstva. My pa-raniejšamu niepachisnyja ŭ našaj padtrymcy stabilnaj, adzinaj i demakratyčnaj Ukrainy», — skazaŭ Kiery.
«I ŭ Maskvy nie pavinna być nijakich sumnievaŭ z hetaj nahody — my zastajomsia viernymi svaim pryncypam. Ahresija — heta nie toje, što luby z nas hatovy pryniać. U Jeŭropie heta razumiejuć lepš, čym dzie-niebudź u śviecie», — dadaŭ jon.
Kiery nahadaŭ, što ZŠA i ES uviali sankcyi i nastojvajuć na dypłamatyčnym rašeńni kanfliktu na Danbasie i pytańnia nielehalnaj anieksii Kryma.
«Vidavočna, što Rasija aburanaja sankcyjami, ale nichto nie pavinien zabyvać, što jany byli ŭkaranionyja ŭ adpaviednaści ź mižnarodnymi normami, i jany pavinny zaachvocić RF viarnucca da miru i pavažać suvierennyja krainy», — skazaŭ jon.
