Načalnik HUUS Minharvykankama Alaksandr Barsukoŭ raspavioŭ padrabiaznaści siońniašniaha napadu na naviedvalnikaŭ handlovaha centra «Jeŭropa», dzie zahinuła dziaŭčyna.
U 17.27 mužčyna zajšoŭ praz bakavy ŭvachod HC «Jeŭropa». Jon byŭ prystojna apranuty. U jaho z saboj byŭ čachoł ad hitary, u jakim była schavana siakiera. Pry sabie ŭ mužčyna taksama mieŭ bienzapiłu.
U 17.28 mužčyna zavioŭ piłu i nanios cialesnyja paškodžańni dziaŭčynie, jakaja pamierła. Potym jon dastaŭ siakieru i staŭ pahražać inšym ludziam.
U 17.34 pastupiŭ zvanok u dziažurnuju častku.
U 17.35-17.36 na miescy zdareńnia ŭžo byli pieršyja supracoŭniki milicyi
U 17.38 napadnika zatrymali. Milicyi dapamahali supracoŭnik achovy HC i rabotniki.
Viadoma, što padazravany źjaŭlajecca hramadzianinam Biełarusi, jon 1998 hoda naradžeńnia, žyvie ŭ Minsku. Ciapier jaho dapytvajuć u Savieckim RUUS stalicy.
