24-hadovy žychar Baranavičaŭ, jaki pravioŭ padpolnuju płastyčnuju apieracyju pa źmienie pamieru pałavych hub 17-hadovaj dziaŭčynie, padazrajecca ŭ raspaŭsiudzie parnahrafii. Pra heta małady čałaviek paviedamiŭ na svajoj staroncy ŭ sacyjalnaj sietcy.
Fota padazravanaha sa staronki «Vkontaktie»/
Jak udakładniŭ «chirurh», pra pačatak kryminalnaj spravy jon daviedaŭsia 27 vieraśnia. Małady čałaviek padazrajecca ŭ raspaŭsiudzie parnahrafičnych materyjałaŭ praź internet (č. 2 art. 343). Pavodle jaho słoŭ, uvahu śledčych pryciahnuli niekalki fatahrafij pałavych orhanaŭ, jakija byli raźmieščanyja ŭ jaho hrupie pra pirsinh, a taksama videazapis.
«<…> Videa, jakoje ja daŭnym daŭno hladzieŭ i dziviŭsia, ale zabyŭsia vydalić — na videa chłopiec i dziaŭčyna zajmajucca seksam, ALE ŭ padviešanym stanie, čym i pryciahnuli maju ŭvahu. <…> Vyniki — padpiska ab niavyjeździe z Baranavič i čakańnie śledstva», — napisaŭ padazravany ŭ svajoj hrupie (styl aryhinała zachavany).
Infarmacyju ab pačatku kryminalnaj spravy paćvierdziła krynica ŭ pravaachoŭnych orhanach.
Nahadajem, č. 2 art. 343 praduhledžvaje ad 2 da 4 hadoŭ pazbaŭleńnia voli. Adnak kali abvinavačany raniej da kryminalnaj adkaznaści nie pryciahvaŭsia, charaktaryzujecca stanoŭča i pryznaje svaju vinu, to sudy zvyčajna pryznačajuć umoŭnaje pakarańnie.
Žycharom Baranavičaŭ pravaachoŭniki zacikavilisia paśla taho, jak jon pravioŭ padpolnuju płastyčnuju apieracyju 17-hadovaj dziaŭčynie. Małady čałaviek, jaki zachaplajecca pirsinham i bodzimadyfikacyjami, sprabavaŭ chirurhičnym šlacham źmianić joj pamier pałavych hub. Pry hetym intymnaj płastycy jon navučaŭsia pa rolikach u internecie i padčas kansultacyj sa śpiecyjalistami-praktykami.
U vyniku apieracyi dziaŭčynu špitalizavali ŭ reanimacyjnaje adździaleńnie balnicy z mocnym kryvaciokam.
Milicyja ŭsio jašče pravodzić pravierku pa fakcie padpolnaj płastyki. Nie vyklučana, što akramia artykuła za raspaŭsiud parnahrafičnych materyjałaŭ, u dačynieńni da maładoha čałavieka mohuć raspačać spravu i za niezakonnaje lekavańnie.
