Vizavy adździeł pasolstva Francyi ŭ Biełarusi budzie zakryty dla naviedvalnikaŭ z 10 listapada pa 25 listapada ŭ suviazi z praviadzieńniem ramontnych rabot. Pra heta paviedamlaje francuzskaja dypmisija ŭ Biełarusi.
U paviedamleńni adznačajecca, što ramontnyja raboty buduć praviedzienyja z metaj palapšeńnia ŭmoŭ pryjomu dla suiskalnikaŭ viz. Adździeł viz budzie znoŭ adkryty dla naviedvańniaŭ z paniadziełka, 28 listapada.
«Z 15 vieraśnia adździeł viz prykładaje ŭsie namahańni dla vydačy pašpartoŭ ŭ termin ad 48 da 72 hadzin paśla padačy dakumientaŭ na karotkaterminovuju vizu (za vyklučeńniem asablivych vypadkaŭ). Varta adznačyć, što ŭžo na praciahu hoda karotkaterminovyja šmatrazovyja vizy na termin ad 1 hoda da 5 hadoŭ składajuć 41% ad usich vydadzienych viz. Hety pracent pastajanna raście, i vielmi chutka vydača karotkaterminovych šmatrazovych viz na taki termin nablizicca da 50%. U 2016 hodzie, jak i ŭ papiarednija hady, admoŭlena ŭ vizie było mienš za 1% suiskalnikaŭ», — adznačajuć u dypmisii.