Pavodziny Rasii padryvajuć mižnarodnyja normy, zajaviŭ prezident ZŠA Barak Abama na sumiesnaj pres-kanfierencyi z premjer-ministram Italii Matea Renca.
Abama adznačyŭ, što Rasija — heta bujnaja i važnaja kraina, vajennaja moc jakoj sastupaje tolki ZŠA. Na dumku Abamy, Rasija pavinna dapamahać u vyrašeńni suśvietnych prablem, a nie stvarać ich.
Na dumku Abamy, ZŠA nikoli nie sprabavali rabić zamach na zakonnyja intaresy Rasii. Amierykanski prezident taksama zajaviŭ, što ZŠA i Italija vystupajuć za zachavańnie sankcyj u dačynieńni da Rasii da vykanańnia Minskich damoŭlenaściej.
«My poŭnyja rašučaści vieści dypłamatyčnuju pracu z «narmandskaj čaćviorkaj» dla dasiahnieńnia hetaj mety», — dadaŭ prezident ZŠA.
Abama taksama abvinavaciŭ kandydata na pasadu prezidenta ZŠA ad Respublikanskaj partyi Donalda Trampa ŭ liślivaści pierad prezidentam Rasii Uładzimiram Pucinym.
«Stvarajecca ŭražańnie, što jon zapazyčvaje ŭ Pucina i mnohija aśpiekty svajoj palityki. I heta biesprecedentny vypadak u amierykanskaj historyi», — zajaviŭ Abama.
Pa słovach Abamy, heta supiarečyć nie tolki z pazicyi demakrataŭ, ale i pazicyi, jakoj raniej prytrymlivałasia bolšaść respublikancaŭ, što ciapier padtrymlivajuć Trampa.
Abama i Renca da hetaha praviali pieramovy ŭ Biełym domie. Dla Abamy hety pryjom staŭ apošnim na pasadzie kiraŭnika dziaržavy.
