Na vychodnych nadvorje źmienicca, mahčymyja daždžy i mokry śnieh, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«Umovy nadvorja na terytoryi Biełarusi ŭ asnoŭnym buduć vyznačać frantalnyja raździeły, pa paŭnočnym uschodzie krainy adabjecca ŭpłyŭ vobłaści pavyšanaha atmaśfiernaha cisku», — skazaŭ sinoptyk.
U subotu, 22 kastryčnika, nočču ŭ zachodnich, a dniom i ŭ centralnych rajonach daždžy. Viecier paŭdniova-ŭschodni 6—11 m/s, paryvy da 14 m/s, u dzionnyja hadziny ŭ asobnych rajonach paryvy 15—18 m/s. Tempieratura nočču 0 — plus 6°S, pa paŭnočnym uschodzie minus 1—5°S, dniom plus 2—8°S.
U Minsku bieź istotnych apadkaŭ, tolki viečaram mahčymy nievialiki doždž. Tempieratura nočču kala 0°S, dniom plus 3—5°S.
U niadzielu na bolšaj častcy terytoryi daždžy. Nočču i ranicaj u asobnych rajonach mahčymy mokry śnieh, słaby hałalod. U asobnych rajonach uzmacnieńnie vietru paryvami da 15—18 m/s. Tempieratura nočču ad minus 3°S pa paŭnočnym uschodzie da plus 6°S pa paŭdniovym zachadzie, dniom plus 2—8°S, pa paŭdniovym zachadzie da 10°S.
U Minsku doždž. Tempieratura nočču plus 2—4°S, dniom kala plus 4°S.
Pavodle słoŭ Rabava, u paniadziełak nadvorje krychu palepšycca: u asobnych rajonach, pieravažna pa zachodniaj pałovie, karotkačasovyja daždžy, nočču i ranicaj mahčymy mokry śnieh, słaby hałalod. Tempieratura nočču ad minus 3°S pa paŭnočnym uschodzie da plus 6°S pa paŭdniovym zachadzie, dniom plus 1—8°S.
«Da siaredziny tydnia nadvorje znoŭ istotna sapsujecca, i ŭžo ŭ sieradu na bolšaj častcy terytoryi apadki (mokry śnieh, doždž), u asobnych rajonach mocnyja apadki, nočču i ranicaj słaby hałalod. U asobnych rajonach uzmacnieńnie vietru paryvami da 15—18 m/s», — paviedamiŭ sinoptyk.
