Fota z taho samaha treninhu z udziełam Milčakova, kudy pryjechali biełarusy
Na minułym tydni šerah biełaruskich sajtaŭ pieradrukavaŭ intervju z Antonam Siehavym, jaki paabiacaŭ «rezać žyŭcom śviadomych ura-patryjotaŭ u RB». Čałaviek pradstaviŭsia biełarusam, jaki vučyŭsia stralbie i taktycy ŭ rasijskaha bajevika i nieanacysta Dźmitryja Milčakova.
Niaŭžo ŭ našaj krainie jość prychilniki «ruskaha miru», hatovyja da vajny, kali «Rasija daść im sihnał»? A mienavita tak Anton Siehaŭ adkazaŭ žurnalistam. Pry hetym jon zapeŭnivaŭ, što biełaruskija śpiecsłužby takich, jak jon, padtrymlivajuć i nie pryciahvajuć da adkaznaści.
«Jeŭraradyjo» pasprabavała adšukać Antona Siehava i pravieryć hetuju infarmacyju.
Pierš-napierš vychodzim na mahiloŭca Dźmitryja M., jaki sapraŭdy ŭ siaredzinie kastryčnika jeździŭ na treniroŭki da Milčakova ŭ Rasiju.
Anton Siehaŭ śćviardžaje, što zrabiŭ heta sełfi ŭ žniŭni 2016 hoda
«Ja nie viedaju, chto taki Anton Siehaŭ, — razvodzić rukami krynica.
Vyśviatlajecca, što Siehaŭ — dosyć aktyŭny ŭ sacsietkach. Jaho lubimy zaniatak — «vajavać» z ukraincami i biełarusami, jakija nie padtrymlivajuć «ruski mir».
U niekatorych supołkach Anton śćviardžaje, što žyvie ŭ Charkavie. U niekatorych, što ŭ Biełarusi.
Adzin z pastoŭ Antona Siehava, dzie jon vystaŭlaje siabie charkaŭčaninam
Jość u Antona słabaść — kampjutarnyja hulni. Jaho lubimyja mianuški — «mieha-donat» i «Otchodniak». Niekalki hadoŭ tamu IT-žurnalist Alaksiej Tkačuk braŭ u Antona Siehava intervju. Žurnalist pradastaviŭ «Jeŭraradyjo» pierapisku.
«Ja Anton z naftavaj stalicy Rasii horada Nižnievartaŭska. U realnym žyćci ja inženier-prahramist na hazapierapracoŭčym zavodzie», — voś jak naš hieroj pradstaŭlajecca žurnalistu.
Akazvajecca, Anton Siehaŭ — sapraŭdnaje imia. Jamu 26, sapraŭdy žyvie ŭ Nižnievartaŭsku.
U 2012 hodzie chłopiec u pošukach pracy pakinuŭ reziume na adnym z papularnych maskoŭskich sajtaŭ. I raśpisaŭ tam, što skončyŭ u svaim horadzie škołu №4 (jak akazałasia, usiaho 9 kłasaŭ), što pracavaŭ roznarabočym dy administrataram u kampjutarnym kłubie, lubić internet-hulni.
Paśla historyi ź intervju biełaruskim ŚMI Anton vydaliŭ svaju staronku, tamu źviazvajemsia ź jaho małodšym bratam Daniłam Siehavym, jaki ciapier prachodzić terminovuju słužbu ŭ rasijskaj desantury niedaloka ad Nižnievartaŭska.
«Davajcie ŭsio zhładzim. Jon buchaje, jašče da taho ž chvareje, prystupy byvajuć, nie razumieje, što piša. Nieadekvat!» — ścisła apisvaje brat.
Samomu Antonu Siehavu pišam z fejkavaha akaŭnta i pradstaŭlajemsia biełaruskimi vajennymi. «Bajavik» idzie na kantakt. Padčas hutarki tłumačyć pryčynu, čamu vydaŭ siabie za biełarusa, jaki «čakaje sihnału, kab rezać ura-patryjotaŭ»:
«Była słaviesnaja pierapałka z adnym biełarusam u supołcy «DŠRH Rusič». Paśla hetaha mnie napisaŭ žurnalist. Na emocyjach, kab vyje….ca, vyrašyŭ adkazać u styli, što ja biełarus».
— A kali vy ŭ apošni raz byli ŭ Biełarusi?
— Hadoŭ piać mnie było, byŭ jašče mały.
U dadatak da hetaha Anton Siehaŭ kaža, što nikoli nie słužyŭ u vojsku, pracuje ŭ Nižnievartaŭsku ŭ śfiery naftazdabyčy, nie maje ničoha suprać biełaruskaj movy, bo jaje nie viedaje.
