Vakoł Mai Sandu abjadnalisia prajeŭrapiejskija siły Małdovy. Fota moldova24.info.
U Małdovie siońnia prachodzić hałasavańnie za novaha kiraŭnika dziaržavy. Upieršyniu za amal što 20 hadoŭ prezidenta vybirajuć hramadzianie. Dahetul hetuju funkcyju vykonvaŭ parłamient.
Vybarcam pryjdziecca zrabić vybar pamiž vaśmiu kandydatami: Michajem Himpu (Libieralnaja partyja — vystupaje za abjadnańnie z Rumynijaj), Juryjem Lanke (Narodnaja jeŭrapiejskaja partyja — były premjer, prychilnik jeŭraintehracyi), Dumitru Čubašenkam («Naša partyja» — prarasijskaja), Majaj Sandu (partyja «Dziejańnie i salidarnaść» — prajeŭrapiejskaja antykarupcyjnaja płatforma), Iharam Dadonam (Partyja sacyjalistaŭ — prarasijskaja), a taksama jašče čatyrma mienš viadomymi kandydatami.
U vybarčyja biuleteni uniesiena taksama imia Maryjana Łupu, adnak jon vybyŭ z vybarčaj honki pa ŭłasnym žadańni, źniaŭšysia na karyść Mai Sandu.
Ekśpierty miarkujuć, što asnoŭnaja kankurencyja razhorniecca miž Dadonam, jakoha niadaŭna prymali ŭ Kramli, i Sandu.
44-hadovaja Sandu — ekanamist pa prafiesii. U 2012—2015 jana była ministram adukacyi Małdovy.