Vysoki sud Łondana pastanaviŭ, što brytanski ŭrad nie moža samastojna zapuścić praces vychadu krainy ź Jeŭrasajuza. Dla hetaha kabinietu ministraŭ spatrebicca ŭchvaleńnie parłamienta, piša Meduza.
Raniej premjer-ministr krainy Tereza Mej zajaŭlała, što rašeńnia, pryniataha na refierendumie, dastatkova dla pačatku pracedury. Zajaŭniki pazovu śćviardžali, što biez uchvaleńnia parłamienta vychad ź ES budzie niekanstytucyjnym.
Urad Vialikabrytanii maje namier asprečyć rašeńnie Vysokaha suda. Čakajecca, što Viarchoŭny sud razhledzić apielacyjnuju skarhu na pačatku śniežnia.
Tereza Mej abiacała ŭvieści ŭ dziejańnie artykuł 50 Lisabonskaj damovy ab vychadzie ź Jeŭrasajuza da kanca sakavika 2017 hoda.
Urad vystupaje za «žorstki» scenar vychadu ź ES biez sprob damovicca ab zachavańni adzinaj handlovaj prastory. U hetym vypadku Vialikabrytanija budzie hublać 73 miljardy jeŭra štohod, ale zmoža sama rehulavać mihracyjnyja patoki.
Ci padtrymaje parłamient Brexit pa płanie ŭrada, pakul nieviadoma.
