Strašnaja avaryja adbyłasia ŭ centry Minska ŭ niadzielu 6 listapada.
Try čałavieki atrymali traŭmy roznaj stupieni ciažkaści ŭ DTZ, jakoje adbyłosia 6 listapada, kala 14.00, na skryžavańni vulic Kamunistyčnaja i Bahdanoviča. Pra heta auto.tut.by raspaviała pradstaŭnik DAI Centralnaha rajona Anastasija Radźko.
Pavodle papiaredniaj infarmacyi, mašyna chutkaj dapamohi viezła ciažkachvoraha pacyjenta i jechała pa vulicy Bahdanoviča sa śvietłavoj i hukavoj sihnalizacyjaj. Na skryžavańni z vulicaj Kamunistyčnaj aŭtamabil chutkaj sutyknuŭsia z «Ładaj». Ad udaru chutkaja pierakuliłasia na «Sitraen», jaki stajaŭ pierad śviatłaforam, paśla čaho apynułasia na dachu.
Jak stała viadoma, žančyna, jakuju vieźli ŭ špital, pamierła na miescy avaryi. Miedyki buduć vyśviatlać, ci źviazanaja śmierć z DTZ, pakolki vieźli žančynu ŭ balnicu ŭžo ŭ ciažkim stanie.