Fota 2mixa.ru
Niezvyčajnuju znachodku zrabili supracoŭniki navukovaha adździeła nacyjanalnaha parku, kali budavali vodapadpornyja płaciny na mielijaracyjnych kanałach va ŭročyščy Planta Karaleva-Mastoŭskaha laśnictva.
Jany pieradali svaju znachodku na ekśpiertyzu ŭ Instytut ekśpierymientalnaj bataniki imia Kupreviča NAN Biełarusi. Tam śpiecyjalisty i vyznačyli, što im u ruki trapili rudyja trufieli.
Paviedamlajecca, što hety vid hryboŭ sustrakajecca pa ŭsioj terytoryi Jeŭropy, a taksama ŭ Paŭnočnaj Amierycy i niekatorych rajonach Sibiry. Pładovyja cieły rudaha trufiela nievialikija, niapravilnaj šaravidnaj abo źlohku avalnaj formy, da 5 sm u dyjamietry.
Raniej u Biełarusi byli zafiksavanyja vosiem vidaŭ hipahiejnych sumčatych hryboŭ. Rudy trufiel staŭ dziaviatym u śpisie.
