Prapanova zasnavać u Rasiei Dzień patryjatyzmu i adznačać jaho 6 žniŭnia, u dzień ŭviadzieńnia Rasijaj praduktovaha embarha ŭ adkaz na sankcyi Zachadu, nakiravana śpikieru Dziarždumy Viačasłavu Vałodzinu i kiraŭnikam usich čatyroch dumskich frakcyj.
Aŭtaram inicyjatyvy vystupiŭ prezident Asacyjacyi pradprymalnikaŭ pa raźvićci biznes-patryjatyzmu «Avanta» Rachman Jansukaŭ, jaki padrychtavaŭ taksama prajekt adpaviednaha fiederalnaha zakona.
«Uviadzieńnie novaj pamiatnaj daty 6 žniŭnia, heta značyć u dzień pryniaćcia ŭkaza prezidenta Rasii, dazvolić uviekaviečyć prajavu adzinstva ŭnutry krainy, jakaja dazvoliła adkazać unutranym rostam na źniešni nacisk», — havorycca ŭ tłumačalnaj zapiscy.
Pavodle jaho słoŭ, palityka cisku šerahu dziaržaŭ, jakija imknulisia asłabić rolu RF u śviecie, staviła svajoj metaj poŭnuju ekanamičnuju i palityčnuju błakadu Rasii i, jak śledstva, razvał ekanamičnaj stabilnaści i parušeńnie palityčnaj cełasnaści dziaržavy.
«U režymie turbulentnaj ekanamičnaj situacyi mienavita na biznes-patryjotaŭ Rasii kłałasia pavyšanaja adkaznaść za zachavańnie i raźvićcio realnaha siektara ekanomiki i dalejšy los našaj dziaržavy», — padkreślivaje kiraŭnik asacyjacyi.
Na jaho dumku, klučavym rašeńniem u hetym pytańni stała vydańnie ŭkaza prezidenta ad 6 žniŭnia 2014 hoda «Ab prymianieńni asobnych śpiecyjalnych ekanamičnych mier u metach zabieśpiačeńnia biaśpieki RF».
