Pa jaho słovach, u paniadziełak byli vypisanyja adzin darosły i čaćviora dziaciej. Siarod 15 čałaviek, jakija zastajucca ŭ lakarni, jość dvoje dziaciej — 7 i 15 hadoŭ. «Stan paciarpiełych zdavalniajučy, jany prachodziać prafiłaktyčnaje lačeńnie. Novych pacyjentaŭ z prykmietami zaražeńnia na trychinieloz nie pastupała», — paviedamiŭ Śpiryda.
Miedyki miarkujuć, što ŭsich hetych pacyjentaŭ vypišuć da kanca tydnia. Pa słovach namieśnika hałoŭnaha lekara, dyjahnaz «trychinieloz» pakul mierkavany, bolš dakładna možna budzie skazać paśla atrymańnia vynikaŭ daśledavańniaŭ.
Jak paviedamlałasia raniej, u Baranavičach z padazreńniem na trychinieloz trapili ŭ lakarniu bolš za 30 čałaviek. Usie jany zachvareli na siamiejnym śviacie, dzie častavalisia stravami z zabitaha dzika. Usie pacyjenty — svajaki i siabry.
Paviedamlajecca, što chvoraha dzika pry sielhasrabotach źbiŭ 34-hadovy kiroŭca ptuškafabryki «Družba». Mužčyna z dapamohaj znajomaha razabraŭ tušu i padzialiŭ miasa. Na vieterynarnaje daśledavańnie miasa nie adpraŭlali.
