Siońnia ŭ Hrodnie ŭzhadajuć Hienadzia Buraŭkina. Viečaryna pad nazvaj BuraŭkinLIVE pačniecca a 18.30 u haradzienskim Centry haradskoha žyćcia #uCentry. Udzieł voźmuć Uładzimir Niaklajeŭ, Michaś Skobła i Siarhiej Šapran. Vieści viečarynu budzie viadomy haradzienski žurnalist i publicyst Uładzimir Chilmanovič.
Haradziencam prezientujuć miž inšaha knihu «Pieradusim Biełaruś. Zhadvajučy Hienadzia Buraŭkina: hutarki, uspaminy, ese, dziońniki, pryśviačeńni», jakuju ŭkłaŭ Siarhiej Šapran.
Sioleta adznačajecca 80 hod z dnia naradžeńnia Hienadzia Buraŭkina, viadomaha dziaržaŭnaha i hramadskaha dziejača, adnaho z vybitnych biełaruskich paetaŭ XX — pačatku XXI st. U knizie praz uspaminy, ese, dziońniki siabroŭ i paplečnikaŭ paŭstaje vobraz Čałavieka i Mastaka, jakoha, niahledziačy na toje, što ŭ apošnija dva dziesiacihodździ jon nie mieŭ aficyjnaha pryznańnia, nazyvali narodnym paetam. U knizie ŭpieršyniu całkam drukujucca hutarki z Hienadziem Buraŭkinym, jakija byli zapisanyja ŭ apošnija dni i jakija padsumoŭvajuć vyniki jaho niezvyčajnaha i vialikaha žyćcia. Hienadź Buraŭkin pamior 30 traŭnia 2014 hoda ŭ Miensku.
Uvachod na viečarynu volny. Adras: Hrodna, #uCentry, vuł. Savieckaja,3
