15 listapada Ministerstva pa padatkach i zborach Biełarusi i kampanija Uber B.V. zaklučyli pahadnieńnie, jakoje praduhledžvaje šerah mier pa ŭzajemadziejańni i supracoŭnictvie.
Jak adznačajuć u pres-centry MPZ, realizacyja zakładzienych u dakumiencie pałažeńniaŭ daść mahčymaść pavysić efiektyŭnaść padatkovaha kantrolu, a taksama paspryjaje stvareńniu ŭmoŭ dla farmiravańnia zdarovaha kankurentnaha asiarodździa, prazrystych rynkavych umoŭ na rynku transpartnych pasłuh, u tym liku što akazvajucca z vykarystańniem infarmacyjnych technałohij.
Namieśnik ministra pa padatkach i zborach Uładzimir Mukvič i hienieralny mieniedžar kampanii Uber u krainach SND Alaksiej Stach pry ŭdziele Siarhieja Mašonskaha, pradstaŭnika kampanii Uber ŭ Respublicy Biełaruś i kiraŭnika partniora jurydyčnaj firmy Arzinger, abmierkavali «asobnyja pytańni praktyčnaha supracoŭnictva», havorycca ŭ paviedamleńni MPZ.
Inavacyjny servis u śfiery haradskich pieravozak Uber pačaŭ pracu ŭ Minsku hod tamu, u listapadzie 2015 hoda. Mabilnaje prykładańnie dazvalaje zamović pajezdku na aŭtamabili i apłacić jaje ŭ bieznajaŭnym paradku. Uber złučaje karystalnikaŭ taksi i vadzicielaŭ-partnioraŭ — jaho partniorami stali ŭžo mnohija jurydyčnyja asoby i IP, jakija pracujuć na rynku pieravozak u adpaviednaści z patrabavańniami biełaruskaha zakanadaŭstva.
Na siońnia minčanam i haściam stalicy Biełarusi dastupny servis dla masavaha siehmienta UberX i premijalny UberBLACK.
Uber — heta mižnarodnaja technałahičnaja kampanija, jakaja raspracoŭvaje mabilnyja servisy pa vykliku aŭtamabilaŭ. Kampanija ažyćciaŭlaje svaje pasłuhi bolš čym u 450 haradach ŭ 70 krainach.