Analiz popytu nasielnictva Biełarusi na finansavyja pasłuhi śviedčyć ab tym, što pieravažnaja bolšaść hramadzian nie maje depazitaŭ u biełaruskich bankach, paviedamiła 16 listapada žurnalistam zahadčyca siektara sacyjałohii inavacyj Instytuta sacyjałohii Nacyjanalnaj akademii navuk Śviatłana Krojtar.
Jana ŭdzielničała ŭ prezientacyi vynikaŭ daśledavańnia, zasnavanaha na apytańni 8 000 hramadzian. Daśledavańnie padrychtavaŭ Instytut sacyjałohii ŭ ramkach sumiesnaha prajekta Nacbanka i Aljansu za finansavuju dastupnaść (AFD). Zadača daśledavańnia składałasia ŭ analizie vykarystańnia nasielnictvam Biełarusi finansavych pasłuh, pradstaŭlenych u roznych siehmientach finansavaha rynku krainy.
«Z 8 000 apytanych hramadzian 11% zachoŭvajuć svaje źbieražeńni ŭ bankach», — paviedamiła Krojtar. Takim čynam, udakładniła jana, amal 90% nasielnictva, pavodle vynikaŭ apytańnia, nie majuć depazitaŭ u bankach.
Pry hetym jana kanstatavała, što ŭ paraŭnańni z 2012 hodam, kali pravodziłasia anałahičnaje daśledavańnie, dola hramadzian, jakija zajavili pra najaŭnaść u ich bankaŭskich układaŭ, skaraciłasia z 18% da 11%. Źnižeńnie hetaj doli śviedčyć pra pamianšeńnie za apošnija hady ŭzroŭniu dabrabytu hramadzian, udakładniła Krojtar.
«Stratehija pavodzin nasielnictva takaja, što spačatku ludzi traciać na biahučaje spažyvańnie, a zatym bierahuć toje, što zastajecca. U suviazi z tym, što dachody nasielnictva źnizilisia, mahčymaści dla źbieražeńnia srodkaŭ źnizilisia. Siońnia, razvažajučy na hetuju temu, mnohija ludzi kanstatujuć, što ŭ ich niama mahčymaści źbierahać», — padkreśliła pradstaŭnik Instytuta sacyjałohii.
Pry hetym, dadała jana, asoby, jakija majuć mahčymaść źbierahać hrašovyja srodki, ličać za lepšaje rabić heta z dapamohaj bankaŭskich układaŭ. «Adnak takich ludziej robicca mienš», — udakładniła Krojtar, spasyłajučysia na vyniki praviedzienaha apytańnia.
Jaho vyniki taksama śviedčać, što na hatoŭnaść hramadzian zachoŭvać hrašovyja srodki ŭ bankach ŭpłyvaje ŭzrovień ich adukacyi. «Respandenty ź niapoŭnaj vyšejšaj, vyšejšaj i paśladypłomnaj adukacyjaj, a taksama asoby starejšaha ŭzrostu čaściej daviarajuć bankam svaje źbieražeńni, čym apytanyja z bolš nizkim uzroŭniem adukacyi», — havorycca ŭ daśledavańni.
Dola respandentaŭ, jakija zachoŭvajuć źbieražeńni ŭ finansavych ustanovach, najbolš vysokaja ŭ Minskaj i Bresckaj abłaściach, paviedamlajuć aŭtary daśledavańnia.
