Fota: Pres-słužba prezidenta Ukrainy
Rasijski prankier Uładzimir Kuźniacoŭ, viadomy pa mianušcy Vavan, śćviardžaje, što razyhraŭ prezidenta Ukrainy Piatra Parašenku, patelefanavaŭšy jamu 2 listapada ad imia prezidenta Kirhizii Ałmaźbieka Atambajeva.
Rasšyfroŭku hetaj razmovy jon apublikavaŭ na svajoj staroncy ŭ Facebook, a taksama vykłaŭ zapis razmovy ŭ YouTube.
Padčas razmovy, jakaja praciahvałasia kala 15 chvilin, Parašenka paprasiŭ Atambajeva padtrymać Ukrainu padčas pryznačanaha na 15 listapada hałasavańnia ŭ AAN pa pytańni zachavańnia pravoŭ čałavieka ŭ Krymie, a taksama vykazać ahulnuju pazicyju pa situacyi ŭ Danbasie, u pryvatnaści, dapamahčy damahčysia ad Rasiei pieradačy Kijevu ŭčastka sumiesnaj miažy.
2 listapada na sajcie prezidenta Ukrainy źjaviłasia infarmacyja ab praviadzieńni im telefonnych pieramovaŭ z prezidentam Kirhizii Ałmaźbiekam Atambajevym.
Ale paźniej u aparacie prezidenta Kirhizii abvierhli hetaje paviedamleńnie, adznačyŭšy, što «mahčyma, ukrainskaha lidara chtości razyhraŭ». Tady ŚMI vykazali zdahadku, što Parašenku razyhrali rasijskija prankiery.